،،،،،،،عاشق،،،،،

،،،،،،،عاشق،،،،،

ومش باكتب
كلام الحب أنا ل غيرك
عشان غيرك
ما حبتشي
بأكون حاسس
وأكون عايز
ولو كداب
ما بكدبشي

ومش هأحكي حكاوي كتير
ولا ألومك على سنينك
انا لما عليكي باغير
عشان واخدك على دينك

جمالك يجي يوم بيروح
وحبي اللي عاش طاهر
يداوي قلبك المجروح
و لا عليكي بيتظاهر

بأحبك لما أنا أقولها
يعنى هو ده أخري
ومن بخت اللي يينولها
بقلبي وعقلي ومشاعري

يعني الحب دا عندي
حاجة كبيرة مش سهلة
ما بيجيش الحنان بعدي
ف لازم تبقي مستاهلة

ومتساهلة على وضعي
حافظة كلامي وكرامتي
وعاشقة كل ما ف طبعي
تنامي ف حضن طبطبتي

بأحبك يعني انا عاشق
ولازم أبقى في مكاني
ولا يمكن أكون سابق
وبعدي يبقى في تاني

عاشق

كلمات
الشاعر احمد صبري