بقلم الشاعر الغنائى … عيد الحضرى

مانيش صياد ولا ساحر

ولا درويش ولا جني

 ولا قبطان علي شراعك

وساكن جوه في النني

ولا فارس علي حصانه

ولا عنتر في زمانه

انا إللي فيكي اوطانه 

وفيكي كل شيء مني

انا المعشوق انا العاشق

انا نخلك انا نيلك 

انا في الشده حراسك

وانا. في. العتمه قنديلك

وانا العابد في محرابك

وانا زرعك وانا طينك

وانا اللي بقلمي وبفاسي

بنيتك من سنين عمري

ومش عايز اكون سلطان

ولا يشرفني ابقي وزير

 ولا نفسي اكون غلبان

ولا اراجوز من الطراطير 

انا حقي فيكي اعيش

ولو تعلي انام ع الريش

ولو ضاقت انام ع الخيش

انا اللي بدمي بفديكي

وبرضيكي وما بترضيش

انا اللي بنيت في جدرانك

وانا اللي بعلي بنيانك 

وانا بكره و احلامك  

وانا دمعك في احزانك

وانا جيشك وانا شعبك

وانا اللي عملت سلطانك

واعمل غيره لو هانك

بقلم الشاعر الغنائى … عيد الحضرى