سامحني لاني مش قادرة …

كلمات الشاعرة 

هالة المهدى

سامحني لاني مش قادرة

امزع حبل افكاري

وانسي حبي والذكري

وصورتك عني تتداري

سامحني لان قلبي معاك 

خطفته وانت بتسافر

ولو ع الحلم با سيدي

ليلاتي قلبي بيعافر

ويتخانق مع صورتك

ويتعارك مع الاوهام

ويقنع عيني ف اشوفك

علي اول طريق الشوق

تعوض قلبي عن غيبتك

فترجعلي وكلك شوق

ولما اصحي اشوف الباب

كما طيفك بدقاته

ف اجري افتح…

الاقي سراب

والاقي تفسي باتمني

ولما ارجع اشوف الحلم 

الاقي كابوس.. بيستني

ولا عارفه اصدق مين

مابين قلبي اللي شاغلته

وبين عقلي اللي ما اتهني.

ولا قادره ابات الليل

بدون صوتك

بيتغني.

وحتي البعد يا سيدي

لا له مضمون… ولا معني

كلمات الشاعرة 

هالة المهدى

Hala M Mahdy