صحيح اللى اختشوا ماتوا

بقلم الكاتب والشاعر
الحن طليس

سألت ع اللى اختشوا
من كام سنه فاتوا
قالوا تعيش انت
دا اللى اختشوا ماتوا
مطمرش فيهم جزا
الله يجازيهم
توب الرجولة ماعاد
لايق على حد فيهم
وأنا قلبى شال منهم
الله يجازيهم
القلب ياما انظلم
مهما تنادينى قلوب
فى حزنهم ياما
انا كنت اواسيهم
وقلبى مين يسعده
كنت لجراحهم طبيب
وجرحى مين يداويه
وكان رضابهم علقم
الكون دا ما يساويه
دا أن كنت شط أمان
وشطى فين الاقيه
علشان ارسى عليه
هونت ليه عليهم
وهان زمانى ليه
والحنان بدلتوا قسوة
قتلوا طيبه قلبى
و كات أجمل مافيه
كل النفوس اتغيرت
مبقتش هى
على الجراح عودتها
تشوف الآسيه
طبع الوفا جوا قلبى
هيخسرنى مين يعاديه
بس خلاص…!

#الحن_طليس