الذكرى التانية على رحيل الفنانة دلال عبد العزيز …

نورا عواجه

النهاردة .. 2023/8/7
الذكرى التانية على رحيل إم البنات الفنانة دلال عبد العزيز.. الفنانة اللي رحلت عن عالمنا بعد معاناة مع المرض.. وتركت لينا مشوار فني عايش معانا ولسه هيعيش لأجيال جاية.
لكن الجميل في رحلة الفنانة الرائعة دلال عبد العزيز .. مش بس النجاح الفني اللي قدرت تحققه على مدار عمرها الفني .. لكن كمان نجاحها الأسري .. وان تركت لنا بنتين مصريتين الكل بيحكي عن أدبهم وجدعنتهم وانهم مثال حقيقي للتربية المحترمة اللائقة.
طبعا ده مكانش ممكن يحصل بدون رفيق رحلتها الفنان الراحل سمير غانم “سمورة” .. واللي حكت دلال عن بداية حكايتهم في لقاء تليفزيوني سابق.. وقالت : بداية علاقتها بالفنان سمير غانم كانت خلال العمل معه في مسرحية “أهلا يا دكتور”.. وكان بعد انتهاء العمل لازم يوصلها البيت .. وعمل المستحيل علشان يحظى بحبها.. لدرجة شاع في الوسط أنه خطيبها.
ولما اتخطبوا .. كان سمير قبل الزواج كل ما يعدي عليهم بتاع الفل يدعيلهم بالزواج وسمير يشتري منه .. وبعد الزواج قابله بائع الفل وقاله “فل يا أستاذ”.. فرد عليه سمير “ما خلاص إتجوزنا”.

رحم الله النجمة دلال عبد العزيز وزوجها الفنان الرائع سمير غانم “ياما متعونا”