بقلم الكاتبة والأديبة
عزه جمال
أنا إسمى( بشتهر )
انسانه عاديه جدا وتقليدية لأبعد الحدود وده بحكم حياتى مع الأهل ذات الطابع الاصيل و القديم /لكن ده مايمنعش أن أنا برده ليا شطحاتى/ ال الناس مش فهماها وحتى أنا مش قادره افهمها/ بتيجى امتى وليه مش عارفه /قعدت افكر واقول لنفسى ممكن بتمرد على نفسى أو عالمجتمع/ فأقول لنفسى تمرد ايه ياتك خيبه روحى نامى/ ده انتى من الشغل للسوق للبيت بشغله ومشاكله/ ده انتى معندكيش وقت تمارسى رياضه بتحبيها/ أو حتى كتاب تقرأيه/ ولا عندك وقت لخروجه حلوه مع صحابك/ أو حتى تنزلى تشتريلك كام طقم كده تروشى بيه على نفسك /وياسلام بقى لو دخلتى محل ميكاب تشتريلك حبة الوان تحطيها على خلقتك الزعلانه/ ده انتى حتى معندكيش وقت تبصى على نفسك فى المرايا ولو وقفتى مش بيعجبك شكلك لانك اتغيرتى وبتسبيها ومابتفكريش ترجعلها تانى لأنك خلاص عرفتى ال فيها/ يبقى بتتمردى على ايه ده حتى التمرد معندكيش ليه وقت / انتى واحده كدابه بتكدبى طول الوقت/ حياتك كلها تمثيل فى تمثيل/ ضحكتك كدب/ سعادتك كدب/ تفاؤلك كدب/ وعودك كدب/ من كتر الانفاق المظلمه ال بنتيها مع نفسك كل يوم وانتى على مخدتك/ انتى أصبحتى كدبه من يوم ماقررتى تركنى نفسك على الرف واسدلتى الستار عليها وقلتى خلاص حياتى الخاصه انتهت/ وجاء دور الراعى والحارس الأمين (ابنائى) ال طلعت بيهم من الدنيا /وكانت ديه اخطر لعبه قررتى تلعبيها/ ليه حياتى وليه حياتهم /ليه متكونش حياتنا ويكون عندنا تفاؤل ونعيش بأمان لو احنا واثقين ان فيه جود وعطف من المولى سبحانه وتعالى/ ده حال الست الارمله أو المطلقه ذو الوجهين فى مجتمعنا / ده تفكيرها ديه دنيتها ده نفقها المظلم/ بدل مانزيد ضلمتها نسبوها فى حالها عاملوها المعامله الطبيعيه ماتعاملوهاش معامله خاصه لأن ده بيألمها/ والدوله كمان لازم تشوف الامهات ديه تدور عليهم تشوف احتياجاتهم الاساسيه ايه او حتى توفر لهم عمل يغنيهم عن السؤال/ مينفعش معاش سد خانه لايسمن ولايغنى من جوع/ ديه ناس عزيزه جدا على نفسها/ وعشان احنا فى عيد الام/ بنقول لكل ام وخاصة الام الأرمله والمطلقه اوعى تنسى أن ربنا دايماموجود وكل عام وانتم فى حال افضل واحسن باحترامنا ليكم واهتمامنا فيكم,/ وخلينا دائما نشوف أن بكره احسن باذن الله وكل عام وانتى الأجمل والأسعد لأنك الرائعه
( أم خديجه)
Discussion about this post