كلمات الشاعر
المهندس … إسماعيل منصور
ولحد بكره ما يجينا
ولسه تاني بنقولها
نعيشها
نصدقها ونحكيها
نفس الكدبة في نفس اللحظة
في نفس الثانية
تاني
من غيرنا نسمعها
يقنعنا
نصدقها
نعيشها ونعشقها
ومرة تانية
نحكيها
.. ونكبر
ولسه الكدبة جوانا
خانقانا
وفي نفس الوقت حاميانا
يمكن
بتحلي أيامنا
تقوينا
تصبرنا
وبيها نتحمل جرح أرواحنا
.. لكن محال
يوم تزورنا في أحلامنا
أو تطفي شعاع نور
عايشين
وهو في قلوبنا
ومسيره
لبكره يهدينا
.. ولحد بكره ما يجينا
ها نعيش
ونفس الكدبة جوانا
ها نقولها
ونعيشها ونعشقها
نصدقها
ونحكيها
كلمات الشاعر
المهندس / إسماعيل منصور
Discussion about this post