جدول ضرب

كلمات الشاعرة
هيومة حمزة
……………….
جدول ضرب العمر بيسأل
عمري المفروض يطلع كام
قلت أحسبها يوم ماهويتك
ب واحد … اتنين
ولا أحسبها بالعشرين
ولا أحسبها سنين قاسين
.. مش ح أحسبها
بس ح أغمض عيني وأنام
وأرجع تاني للتلاتين
وأقسم عمري مابيني وبينك
ونعيش عمر بدون لايمين
وأطرح همنا من أيامنا
وأجمع حب يدوم لسنين
وأضرب كل سعادة الدنيا
ف عشقي وعشقك
وأضخ الناتج في الشرايين
عشق مالوش في الدنيا مثيل
مصدر حب وليل عاشقين
بسمه رمش وغمزه عين
يمكن…ننسي( الأسي والبين)
بسط أحلامنا
مقام أيامنا
يرسموا عمر بطول نهرين
عسل العشق يشفي جراحنا
يروي حياتنا حنان وحنين !!

كلمات الشاعرة
هيومة حمزة

باكينام حمزه