بقلم الشاعر … الحن طليس

لما كلكم ملايكه

اومال احنا نبقه مين

نبقى احنا المغلوبين 

قلوبنا ما ارتاحت فى يوم

جوانا شايلين الهموم 

احنا اللى عايشين السنين

وما عرفناش لفين رايحين 

و لاسكتنا طريقها منين 

وماشين فيها و مش واصلين 

وعمر بحاله فيه تايهين 

و لا عارفين اننا ماشيين 

بحظ حزين

احنا يا خسارة إتولدنا مغمضين

قلوبنا بيضا بتنخدع فى الناس بسرعه 

وبنحسب الناس لسه صافية وطيبين

وهما ناس وسط الحياة

 واكلينها والعه 

والضربه منهم صعب

 تعرف جت منين

بيتغيروا على كل لون

والضحكه فى عيونهم

 بتطلع مصلحه

اوعى يشوفوك يوم غلبان

كلهم لابسين وشوش

و الأصيل لما بيظهر 

الخسيس تلقاه يبوش

البجاحه بقت متاحه

والبشر مبيختشوش

تبقى مخلص

 وقتى تلبس فى الحيطان

نزِّل ستار المسرحية 

دا انتوا زى أى حد 

كومبارس مثِّل تمثلية 

وفى النهاية حقيقتة بانت 

يالى مش شايفين عيوبكم

إتقوا الله راعوا ضميركم

قبل ما يفوت الآوان

بس خلاص…! 

بقلم الشاعر … الحن طليس