بقلم الشاعر … عباس ابو عادل 

،، لا يـا صـديقــي ،،

،،،،،،،…..،،،،،،،…..،،،،،،،،

ترستك 

مـاي خـوّة

ولا نـداوه الگــيت

طلع جودك شبـچ واسراري تتطشّـر

خاويتك 

عشـب وي 

كـل نسيـم اتميـل

جرّبتـك .. شجر بالريح تتكسّــــــــر

ومن صارت صدگ 

ردتّـك .. ولـو حاجـوز

وغصب عـذرك قبلتة تخـاف تتعـوّر

بزلّاتك هضم 

ردتك ضمير اتصــــير

چذّبت الصدگ حتى انت ما تخسـر

عـاونتـك علي 

من شفت عذرك خاااب

وقنّعت النفس .. گلتلها يتغـــــــــيّر

لاااا ليلك سمر 

لا فـاض بيــك الطـيب

لا شمسـك علـت والراكـد اتبــــــخّر

لا مدّك وصل 

والعين شـافت نــــور

لا گصـرك طول .. لا لغزك اتفسّـــــر

گدامك طحت 

ما شفت وجهك گـام

وهاك ابسط مثال وشوف واتصوّر

ولك .. خشبة بطبر 

فرگست چف حطّـاب

من شافت حطب گدامها اتطــــبّر

،،

، قلمي

، عباس ابو عادل

، العـــ🇮🇶ـــراق

. ،،،،،،…،،،،،،…،،،،،،…،،،،،