قرار مشروع

كلمات الشاعرة
ناهد الموجي

رسالة من صميم الروح…….
بتوصفله بكل وضوح………
وجع ساكن حروف البوح..
واحساس ف الوريد مدبوح
وشرايين لوٍنِتها جروح……..

سمعته بقولها مغلوب………..
وعايش عمري بالمقلوب…….
يا بهجة روحي والمكتوب…..
على جبيني ودايب دوب……
يا توبة ما فيش معاها ذنوب

نسي قلقي عليه والخوف……
دا انا كنت لعيونه الشوف…….
وكلي لهمسته ملهوف…………..
مشاعر فى العدد بألوف………
ولو غاب عني اموت م الخوف

نسى همسي وانا باصحيه…
ولمسة ايدي وانا بارقيه……
حنان كفي وانا باوضيه……
ورعشة وهمسه وانا باسقيه
تكون الميه ساقعة عليه……

وليه فكرت تنساني….
وتهدم كل بنياني………..
يا كلي وبعضي وكياني..
يا حصني وأمني وأماني.
صبحت ف قصتي الجاني

أناالنسمة ف هجير الصيف…..
ولرصيدك ف قلبي باضيف…..
ماليش ف الكدب ولا ف الزيف
وانا والصبر كنا حليف…………..

وكلي كنت على قدك…..
اجيلك راضية على حدك
ولا مليت فى يوم صدك..
ولا فكرت اكون ندك………
وصاينة عشرتي وعهدك….

هسيبك وأمشي بكرامتي
معايا ضلي وشجرتي……..
وبرواز حاطة فيه صورتي
وسيبالك هنا حيرتي………
هدية مني لغريمتي………..

قرار نافذ ما فهش رجوع…
برغم ان الفؤاد موجوع….
وم الجزر الوتين مخلوع….
وقلبي النبض فيه مصدوع
قراري بالفراق مشروع……..

كلمات الشاعرة
ناهد الموجي

.