اللي ساب

كلمات الشاعرة
سناء البنا

اللي ساب الله يعينه
واللي باع عشرة سنين
واللي خان العهد بدري
واللي ما كان له يمين

كان ف عينا نور وضي
كان وصاله لسه حي
كنا شمسه وهو ضله
وفي قلوبنا ماله زي

يمشي عادي مش قضيه
يقتل الحب ف عنيا
يمحي كل تاريخه عندي
دي القساوة مش شوية

لما نمسك فيه زياده
كان بيبعد وبسعادة
واما بنقرب حدوده
هو بيزود سدوده

طاب يا سيدنا الله يعينك
والله يعينا ع اللي جي

مين بيختار مرة قدرة
مين بيسلم م الحياة
مين بيعشق حد غدره
ولا تاني يعيش معاه

اللي ساب الله يعينه
واحنا مش ناقصين عذاب
لو قبلناه مرة صدفه
يستحيل بينا العتاب
من النهارده خلاص حبيبنا
اتمضي فـ خانة الغياب

كلمات الشاعرة
سناء البنا