ليل ورا ليل طويل

بقلم دكتور …. نبيل بكر

ليل ورا ليل طويل
وساعاته تهد الحيل

تفكير عمال على بطال
وصبر روحي قليل

ما ينام الليل إلا
خلي البال
وانا قلبي عليل

شايل هموم كتيره
تهد جبال

عمال احارب وحدي
والحال مش هو الحال
خايف ينفد صبري
ويطفح الكيل

بس حصلت حاجه غريبه
لقيت جاري نفس الحكايه
هو كمان ليله طويل
وطفح الكيل وخايف
لو فضل الحال على دا
الحال
حتى حوده ابن جوده
من يومين غنا موال
جاي عالوجيعه سمعه
عبدالعال
مالك يا حوده موالك حزين
هو انت موجوع
واللا الجوع
واللا طفح كيلك
واللا زاد عليك
حمل العيال

كلهم يا عبدالعال
حتى غنيت الموال
ما كفاش همي
وصوتي اتنبح عمال
على بطال

قلت يمكن صوتي يوصل
لحد يسمعني
ويحس بوجعتي
يسأل عليا ويقول
كيف الحال

الظاهر السميعه سمعهم
تقيل يا عبد العال
ولحد امتا هيفضل
الحال على دى الحال
عشان طفح كيلي
وجوايا الف سؤال

بقلم دكتور …. نبيل بكر