الرواد نيوز …
سعاد حسني مكنتش جميلة زي ما بتظهر على الشاشة .. كل اللي عاصروها قالوا كده لما حكوا عنها
لكن
قالوا إن الكاميرا كانت بتحبها جدا .. زي ما زبيدة ثروت قالت عنها إن فيه مليون بنت مصرية شبهها لكن الكاميرا كانت بتعشقها .. بمجرد ما تيجي عليها بتنسق شكلها تماما وتغيره .. فظهرت قدامنا بالشكل الملائكي ده
هما كانوا بيتكلموا عن الملامح .. لكن الجميع إعترف بروحها الجميلة وشقاوتها وقلبها الأبيض وثقتها في نفسها .. وده سر حب الكاميرا ليها .. روحها بتطغى عليها لدرجة بتبدل ملامحها على الشاشة
أوقات ممكن تقابل حد يقولك ” شكلك حلو النهاردة ” فأنت تستغرب وتقول في نفسك هو أنا هتبدل يعني ؟ .. الحقيقة إننا فعلا بنتبدل لما بنبقى مستقرين نفسيا .. لما بنبقى فرحانين .. لما بنحب .. بينعكس على ملامحنا فشكلنا بيتغير ..وروحنا وقتها بتجبر عيون الناس إنها تشوفنا بشكل أحسن .. زي ما أجبرت الكاميرا إنها تخلي سعاد حسني ملاك في هيئة بشر !!
Discussion about this post