كرم ميخائيل يكتب وأدق

====================================

* وأدق *
………….

وأدق الدف أغنيلك………….
وروحي تروح هوى ليلك……
وبحكي لقلبي عن حبك……..
وتجري الروح تناديلك………
يا نبتة حب بعطورها……….
تناسيني الهوا الجارح………
يا بسمه تشق بعيونها………
ضلام قلبي إللي كان سارح…
أنا الإنسان وأنا العاشق…….
وجوا عينيكي تاخديني………
وأكون وياكي مش فارق……
معايا إلا أكون بيكي…………
يا ضحكة شمسي لنهاري……
يا عود ريحان مع البلسم…….
خديني نسيني مراري………
وجوا عينيكي أنا هارسم…….
بلون الحب أحلامي………….
بريشه قلبك الطاهر…………
وهارسم لوحه من تاني…….
وهأحكي فيها لغرامي………
*يا أم الضفاير علي أكتافك…
بغير منهم عشان حاسين……
ضحكك وفرحك وألامك……..
وعلي أكتافك كمان نايمين….
دا أنا إللي قلبه فيه ساكن….
زمان حبك بقاله سنين………
دا أنا النبته إللي كان ناكر…..
وكافر زمانه بالعاشقين……..
لحد ما شفت في عينيكي……
أيات الحب والتراتيل…………
لقيت حبك دا جوايا………….
بيكبر تطرح الأحلام………….
لقيتك طبي ودوايا…………..
وقلبك ليا دا الأوطان………..

كلمات الشاعر / كرم ميخائيل