كلمات الشاعر 

المهندس … إسماعيل منصور

ثورة الألم …

.. الألم 

جوه الصدور مخنوق

ها يموت من الخنقة

يصرخ

نفسه يتحرر

يخرج 

يمكن في يوم

يتحرر من السجن

ويطير في السما

بجناحين من الفرحة

.. خايف

تكون اللحظة حلم

يسقط علي الأرض 

تصدمه لحظة حقيقة

ويرجع

تاني للخنقة 

.. نفسه

وصفه

في عيون الناس

يتغير

.. غيران

في راسه سؤال

ليه

عيون الناس بتلمع من الفرحة

ووقت الألم

القلب ينكسر

وعلي الخدين

تجري من عيون الحزين دمعة

.. حيران

بيسأل

ليه أنا الألم

بنفس الحروف

يتغير المعني

ألم

حروفه تتبدل

تصبح أمل

يصنع في الخيال أحلام

يعيش عليه الناس

مستبشرة ببكره

.. وأنا

ومن غير ذنب

حروفي

تصنع الحزن والحيرة

معايا تعيش الناس

خايفة من بكره

.. أنا الألم

بأصرخ

مين يسمع الصرخة

           كلمات الشاعر 

المهندس … إسماعيل منصور