بقلم الشاعر … الحن طليس

عايشين ومش عايشين

عايشين زى التايهين

دايخين بنلف شمال 

و ساعات بنلف يمين

بندور حوالين الساقية

بالعافية و مش ماشيين 

ع الحال دا بقالنا سنين

وادى احنا معاكى صابرين

تودينا شمال 

تجيبينا يمين

دوخينا يا لمونة

دوخه السكرانين

شيبتي منا البنات

 وعجزتى منا البنين

وبانت فى وشنا التجاعيد

والعجز بقى فى الروح

وبيجرى فى الوتين 

شاب القلب عجز

والجرح فيه بيزيد 

مات ومعدش صوت

مفضلش غير تنهيد 

أنا اللى الهم شيبنى

وبقينا م العاجزين

يا دنيا علينا قاسية

وبقيتى زى غابة

ماعادش فيكى عايش

غير ناس زى الديابة

غيرتى ليه الناس 

وموتى فيهم الطيابة 

يا دنيا حنى علينا

ده احنا والله غلابة

نفسى الاقى نفسى 

بكفاية توهان وشرود 

مات الضمير فينا 

والظلم ماله حدود 

دنيا غرورة وعارفينها 

على الغنى دايما بتجود

اما الطيب غلبان 

بتخلى يومه سواد

أنفاسى اللى ضعيفة 

ومعايا بتعافر

لكن أحسنى موجود 

اقاوم ظلمك يادنيا

أحياكى بكل صمود

واقول الضلمة تخلص

بكرة وهيجى نور

#الحن_طليس