كلمات الشاعرة 

منى الفؤاد

يامصر بدعيلك …

………….

قلبي اللي كان عاصي

على إيدك استغفر

راجع يقول ليكي

حبك هنا بيكبر

وبحب فيكي النيل

واديكي قلبي دليل

وان قلت فيكي الشعر

كل البلاد تصغر

لاني يا حبيبتي

مشتاق وبزيادة

راح اقول بحبك موت

أكتر أنا أكتر

وان يوم عدوك خان

راح اكون انا السجان

وهجيب انا حقك

من إنس أو من جان

قلبي عليكي انفطر

لما عدوك غدر 

موت شباب احرار

والجرح بكَّى الحجر

لازم يا أهلينا ناخد بإدنا التار

يا مصر يا بلادي

اوعي في يوم تنحني

مهما الجراح زادت

بعد الليالي أكيد

راح نلقى ألف نهار

نزرع سنابل قمح

راح تضحك الأزهار

وهلبسك فستان

أبيض بلون قلبك

والطرحة منقوشة

بالفل والريحان

والزفة جنب النيل

واطلع اقول مواويل

إني بحبك موت

دانا لحمي من خيريك

وأغني وادعيلك

تبقي يا ست الكل

فوق البلاد عالية

يا مصر يا غالية

…………

كلمات الشاعرة 

منى الفؤاد