الوجع …

كلمات الشاعرة 

   منى علام

قلبك اوام حس بوجع

ولا أنت فرحان بالهموم 

جربت حزنك ف السهر 

ومقضي وقتك بس نوم 

جربت ايه غير الوجع 

المك حياتك دنيتك

فكرت اجري مع الزمن 

فات الكتير والباقي يوم 

الظهر كان لعبة حظوظ 

مش كل يوم راح يخدمك

لعب القدر والمستحيل

علي قلب محروم م الفرح 

هكتب قصيدة علي الفراق 

ولا الحنين والذكريات 

ولا امشي من غير مقلمة 

واكتب بدمعي ع الشجر 

راح هخلي ضلي يكون صديق 

وانام وجنبي يحبني

ما انا لو إلقي مرة طيف 

كان شاف خيالي وحنلي

انا والزمن مش اصدقاء 

فرق مابيني وبين عزيز 

 وانا لما كنت صغيره 

كان كل شئ ف حياتي فير

أتكسرت كل الحاجات 

ومعاها أحلام السنين 

اتبخرت كل الحروف  

والقلب دأب ويا الحنين 

بالرغم من كل اللي فات  

لساني برضه بفتكر 

انا لسه عايشة الامنيات  

بس بخاف يوم أنكسر 

لسه بخاف يوم أنكسر

كلمات الشاعرة 

    منى علام

Mona Alaam