عزة أحمد ابوزيد تكتب : ومين فيها ياناس باقي

ومين فيها يا ناس باقي
وكاس المر شربينه
تعيش فى الدنيا وتلاقى
جبال الصبر شايلينه
ومين فينا الزمان بكاه
ومين بس اللى قال الاه
ده كان وحده ويا ولداه
سنين العمر بايعينه
بيبكى بس من جواه
علي القلب
الى داب ف هواه
وباع الدنيا لحنينه
وف الاخر ياناس باعني
سنين العمر شرايينه
لقيت نفسي جدار مهزوز
وزلزال الحياه صابني
ولو كات الحياه بفلوس،
لكنت دعيتها وما صابني
ياليل الصبر صبرنى
وقوى القلب عل الاحزان
انا جيت الحياه وحدى
وبوزنها بالف ميزان
وطعم الحزن جربته
ولكن والله ما ندمان
بحن سعات وببكى سعات
و جوايا حنين واهات
يحرك كل شئ فيا
حياتى وقلبى وعنيا
وجوايا الدموع بالكيل
بحس بغربتى والويل
بحس نهارى يشبهه ليل
حسابي و شايفه ادامي
وكان الحكم ليا سكوت
وكان نفسي انا اصرخ
واقول يابنتي لسه بموت
وانا شيفاه ومن الخضه
فقدت حياتي كنت تابوت
ولفوني وانا ميت
وشايف حزن هد بيوت
وبنتي تبكي وتنادي
نفسي ارد اطمنها
حبيبتي والله والنعمه
نفسي
اقولها سامحيني
ولو كان الحياه كلمه
هقول يارب قويني

كلمات الشاعرة / عزة أحمدابوزيد ابوزيد