استنيتك كتير

بقلم دكتور
نبيل بكر

استنيتك كتير
وياريت ما استنيت

كنت فاكر انك راجع
أتاريك

مش ناوى رجوع
ولا فارق ليك

كل لحظة انتظرتك فيها
وقتها كانت مش كتير عليك

بس دلوقتي بعد ما شفتك
راجع ناس حبي ليك
بقولك كل لحظة خسارة
فيك

كل كلمة حلوه قلتهالك
في يوم هخصمها
من ذكريات حلوه ليك

مش هفتكرلك لحظة
ولا افتكر لك كلمه
أصلا مش هفكر فيك

وياريت وانت خارج
من قلبي
خد في ايديك اي
ذكره ليك

باب قلبي هقفله
بالضبه والمفتاح
مش عشان حزين عليك

عشان لو ركعت قدامي
مش هفتحه تاني ليك

حتى لو قلت لي حقك عليا
ارحم قلبي ابوس ايديك
هقولك

راحت خلاص عليك
روح حتى لو كانت
روحي فيك

هو انت فاكر إيه
قلبي اتخلق بس ليك

مايعرفش يحب غيرك
ومش لازم يفتح بس
غير ليك

ليه هو انت ايه
هو انت مين
وهو انت اصلا ليه
وايه الزيادة اللى فيك

اللى تخلي قلبي
ما يفتحش غير ليك

استنيتك كتير
وياريت ما استنيت
كنت فاكر انك راجع
أتاريك
مش ناوي رجوع
ولا فارق ليك.
نبيل بكر