كلمات 

 الشاعر… الغنائى طه علي الدين

أول م الليل ييجى فى المغرب

بعمللى من الأحلام مركب

و افرد شراعى فى بحر خيال

لو حر الدنيا و بتلهلب

أو مطره بترعد و تكركب

إن شالله حتى يقوم زلزال

انا بجرى و بهرب م القسوه

و بشعلق روحى مع النسمه

و اعمل فارس و اعمل خيال

لا بعاند حد و لا بقاوح

و لا عايذ افكر فى امبارح

العذب بيحلى المالح

كما قلب عيال

و تيجى الدنيا او ما تجيشى

ما بتشغلنيش لقمة عيشى

لو جيبى فاضى و ماعييشى

ما شاغلشي البال

الرزق انا سايبه على الله

لا ليا قوة و لا حول

الموت ياما لم عتاولة

و الدود أكال

               كلمات 

 الشاعر… الغنائى طه علي الدين