إلــيــه …

كلمات الشاعرة
وفاء على

عارف لما تحس بروحك
طايرة وبترفرف ف سماه
عارف لما تبيع الدنيا
علشان تخطف لحظه معاه
عارف لما ياقلبي تلاقي
كل الكون بيدور ف مداره
عارف لما يقول بعيونه
إنك وطنه وحضنك داره
وانك جوه الدم بتجري
وانك بير شايل أسراره
عارف لما يغيب عن عينك
ف يزيد شوقك حبة ب حبة
عارف لما يطاردك غيره
تجري اوام جواه تتخبى
تبقى اكيد بتحبه ياقلبي
حتى ان كان مش حاسس بيك
اوعى تخليه لحظة يسيبك
ولا يشوف احزان ف عينيك
افرح يالا وطمن حالك
وان سألوك ايه اللي جرالك
قول الحب اساسًا نعمة
طبعا مش محتاج لدليل
انه هيسند روحك لما
حيط الدنيا عليك هايميل
مهما تعاندك حتى ظروفك
ولا الحمل عليك بيزيد
خلي غرامك بس عشانه
ازرع حب يزين بستانه
ارمي بذور العشق الخام
واياك تسرف ف المواعيد
خلى الحب يكون بميزان
اوعاك تخلط ف الاوزان
نص غرام على نص مغازلة
والأشواق على قد الإيد
………………….
كلمات الشاعرة
وفاء على