العشم في ربنا …

بقلم الشاعرة … منى البابوري

عاشقين الضحكة و مش عارفين
وراء الضحكة إيه الي مخبياه
شوية وجع على شوية انين
على حبتين من دمعة و آه

مش ضروري نكون مبسوطين
عشان نفرحكم و نسعدكم
ما احنا كدا موجوعين
و قدرنا نجيب السعادة لقلوبكم

و الوجع الي بتكلم عليه
في كل قلب تقدر تلاقيه
ما تستغربوش أوي يعني
و عادي اي حد يكون موجوع
مش كدا و لا إيه

و زي الوجع ما خذ منا حاجات
و جاب لنا الآآآم و آهاااات
في فرح مستخبي دا وعد ربنا
و ممكن الحال يتغير
في اي لحظة من اللحظات

العين الي بكيت حزن هتبكي فرح
و عادي تنسى الي عدى و لو كان كله جرح
بكرة حلو عشان العشم في ربنا
و مش في ناس بتنسى العيش و الملح

بقلم الشاعرة … منى البابوري