الوصية ( 1)
—————-
أرجوكم. . ف لحظة موتي سامحوني
وأوصيكم ماأحس الدمع في عنيكم
ماهو كفاية إللى ف عيوني
ومش عايز اشوف فيكم ؟
حد عشاني يتصعب
يبان للخلق عيونه زعلانة
منا لو كنت غالي عليه؟
ليه مارحمني في الدنيا؟
وسابني وحدي مع نفسي
أعاني الرايحة والجاية ؟
بقيت عايش كما الأموات؟
فقلت أكتب لي في وصية .. !!!
فسامحوني وانا نايم فوق المحمل؟
آخركم بس توصيلة ؟
مانيش عايز أنا عيلة
أنا عايز قلوب صافية وجوه سمحة
تدعي لي .. وتقرالي كمان فاتحة
تصلي عليا في جنازتي
وأنا جوه خيوط كفني أو لاستي
وأنا داخل قرار قبري
وبتغطوني بالرملة؟
قفلتوا عليا خلاص بابي؟
سلامات قرايبي وصحابي ..!!!
واحد قال يللا إدعوله؟
دا في وداني سامع صوته !!
وقال يارب نور له ؟
سنين صبرو ف براح قبره
يارب لسانه يتثبت في حسابه مع سؤاله
الراجل ده مانيش عارفه
لكن شفته في مناماتي
ملاك لابس له توب أبيض
وكان يقرالي كلماتي ويسمع برضه سلاماتي
يواسيني في آهاتي
طب إيه جابه مع موتي
دنا حاسه سامع صوتي !!!!
خلاص مشيوا وسابوني ؟
قال إيه؟
راحم ياخدوا في عزايا
ووقفوا تحت ضلاية
صواني إيه ده ياجماله
وشيخ يقرا في كام آية
خلاص آهي ليلة وانفضت
خلاص والكل نسيوني
واحد كان قال دا يتحنط
ما كنت أنا عايش ومتحنط
وفي الدنيا دي باتمرمط
سنين وانا جسمي في التحنيط
كما خيال المآتة في غيط
فأرجوكم بلاش صورتي؟
في براوزيكم كمان ع الحيط
ماكنت انا مرمي في بيوتكم
مجاش حد وسأل عني
كاتمها في نفسي انا دايما
ولا كنت أزعل انا منكم
لكن روحي علي نفسي كانت دايما بتتصعب
وتروي جراحي جوايا
أحس بنبضي راح يهرب
وقلبي يقول كمان إشرب
بقيت كلي في غيبوبة؟
ونوبة تعدي ورا نوبة
فليه تتغامزوا ع الشيبة ؟ ………..
—————– مع لقاء الجزء 2 من القصيدة
من ديوان عايش مؤقت للشاعر المرحوم ….. أحمد طليس شاعر
Discussion about this post