ياكل حبة رمل …

كلمات الشاعر
د … عصام الغنام

●●●●●●●●●●●
ياكل حبة رمل
شربت دما الأبطال
إحكي الحكاوي لنا
في غنوة أو موال
عن كل حرف اترسم
فوق شفايفهم
عن ضحكة قبل الموت
والرب شايفهم
عن معني حب الوطن
بالفعل مش اقوال.
■■■■■■■■■■

ياكل نقطة دم
يالَّا اطرحي قمحة
وورود يكون عطرها
لابن الشهيد فرحة
وطيور جناحها الأمل
بالحب بترفرف
وصبايا لون حلمها
فستانها والطرحة
■■■■■■■■■■

يالَّا الحقي
إخلعي توب السواد
والبسي التوب الجديد
النهاردة مش حداد
النهار ده يامَّه عيد
الشهيد جاي في الطريق
زغرطي ياام الشهيد
زغرطي ياام الشهيد
■■■■■■■■■■
كلمات الشاعر
د. عصام الغنام