أبتسم مع الرواد نيوز
– ودخل الثعلب يحتالُ في كبرياء
= بُصي كويس فتحي عينك .. ودخل الثعلب ؟
– ياخيــ.. ياخيـ.. يختالُ في كبرياء
= أهو كده يختالُ مش يحتالُ ، يحتالُ يعني داخل يُنصب ، إنما يختال يعني يزهو فخرًا ، يعني يمشي مُعجبًا ، يعني منفوخ ، يعني فرحان بروحه أوووي .. إنتي فاهمة؟
– أيوة يافندم .. يعني ماشي يتقمع
= مظبوط يعني ماشي يتقمع ولو أن يتقمع ألفاظ طباخين ماتتقمعش إلا البامية والفاصولية ، لكن ماشي يتقمع ، قمعكُم عفريت أزرق .. أقعدي كملي إنتي
* فتا فتا فتا ، فتملك الغيط من الأسد
= إيه ؟!!
* فتملك الغيط من الأسد
= تملك الغيط ؟!!
* أيوة يافندم مكتوبة كده
= مكتوبة كده أزاي؟!.. تملك الغيط !!.. في أسد في الدنيا بيملُك غيط؟!.. ليه أسد أيه من الأعيان؟!.. أسد صاحب أطيان؟!.. فتملك الغيظ من الأسد ، الغييييظ .. يعني الأسد كان هيفرقع فرقعة .. كملي إنتي
* فتملك الغيظ من الأسد وقال لهُ وقال لهُ
* يافندم يافندم
= نعم ؟!
هو الأسد بيتكلم ؟
= مابيتكلمش لكن وزارة المعارف عايزاه يتكلم ، بيتكلم ، بيتكلم ، أقعدي
* خلاص خليه يتكلم
= كملي إنتي
* فتملك الغيظ من الأسد وقال لهُ : «يا أبلة»
= أبلة !!.. الأسد قال للثعلب يا أبلة ؟!
* مكتوبة كده والله
= الله يقصف عُمرك ، يا أبْلَه، يعني يا حمااار ، يا مُغفل .. مش يا أبلة !!.. أبلة وتيتة وأونكل وطنط ، أقعدي كملي إنتي
* فتملك الغيظ من الأسد وقال لهُ يا أبْلَه.. ويلوك ويلوك ويلوك
= و يلوك إيه يابنت إنتي؟!.. ويلك ويلك ، يعني نهارك أسود يا ثعلب ، نهارك منيل يا ثعلب .. زي ما نهاري أسود ومنيل معاكم كده
“غزل البنات – ١٩٤٩”
Discussion about this post