طيفه بيكلمني

………

كلمات الشاعرة 

منى الفؤاد

لما القلب بدأ يألمني

حسيت روحي بتخرج مني

 شفت ساعتها خياله و طيفه بيكلمني

مش راح تبعد ابدا عني

حتى ان كنت بعيد عن شعري

 بعيد عن فني

حتى ان خدت مشاعرك مني

ولا هتفكر يوم تهجرني

راح تبعتلي رساله يوماتي

عنك دايما هطمني

لما اشتقلك هلقى ملامحك

جوة النني

هلقى معاها ذكرى جميلة بتفكرني 

ان الحب لقلبك لازم هيقربني

وان حنانك جوه ف روحك بيدوبني

هي العيشة من غير حبك تبقى جميله

ابدا ابدا

حبك عطفك ويا حنانك 

هو وبس اللي يقربنا  

واوعاك يوم تتحكم فيا

أو يا حبيبي تقسى عليا

ولا ف يوم تنساني وترجع تغدر بيا

لاحسن تلقى قربي وخوفي عليك اتحول

اصبح نار ومفيش حنيه

ولا راح اشيلك تاني ف قلبي

جوه عنيا

كلمات الشاعرة 

منى الفؤاد