كلمات الشاعرة
عزه السعدنى
قولي مين يقدر يبيعك
دا إنت شمعة بقلب ليل
إللى يسكن مرة قلبك
مستحيل عنه يميل
واللي ليه لو بس عندك
ذرة واحدة من جميل
يحفظ الود ويكتب
قصيدة توصل ألف بيت
إوعي مرة يكون قابيل
جاي يقتل فيكِ حلوك
إوعى مرة تنسى قولك
إنى مليش عنك بديل
..
وإنى دايمًا هبقى ساكن جوة منك
والصباح يطلع علينا
نبدر الورد في طريقنا
ونرسم الأحلام سوا
لو هتعرف مرة إنك
راح تفكر يوم وتغدر
قولى أبعد م السعادى
وأقتل الفرحة بقلبى
وأنسى إنك كنت مرة
ساكن القلب الحزين.
كلمات الشاعرة
عزه السعدنى
Discussion about this post