هي نفس الاوضة

كلمات الشاعرة
آمال فرحات

هي نفس الاوضة بردوا
ونفسهم لاربع حيطان
كنت عايشة أسيرة فيهم
كنت عاشقة للظلام
بابي عمره في يوم ما وارب
حتى للشوق والغرام
كنت عايشة أتمنى اكبر
واوصل الحلم بسلام
أوضة كنت مرتبة فيها الكلام
بس لما خرجت منها
أكتشفت ان الحياة
اوضه اكبر…..
وهما برضو أربع حيطان
اللي خاين واللي بايع
واللي على احبابه هاين
والعزيز مبقاش عزيز
والغريب اصبح قريب
والقريب غاب من جديد
وجه مكانه أغرب غريب
هي طبع الدنيا دايما
تدي للي مش عايزها
أما للحد الحنين
تجرحوا وتديلوا عيبها
هي اوضة مترتبة فيها المشاعر
ولما خرجت اتبعترت ولا حد شاعر

كلمات الشاعرة
آمال فرحات