ما يهمنيش

بقلم دكتور … نبيل بكر

ما يهمنيش آه والله
مهما تعمل أو تقول
ما يهمنيش

أنت أصلاً مش ببالي
وما تشغلنيش

لو فاكر
اني ندمان على بعدك
تبق ما تعرفنيش

أنت مش حد يستاهل
عشان من غيرك ماعرفش
اعيش

انت هييش وقش
وبواقي عيش

انت مش حاجه
انت زياده بقرش
ما تنفعنيش

جربتك وعارفك
قليل الأصل
ما تنشريش
غدار وخاين
تبيع العشره
بمافيش
لو رجع بي الزمان
مش اختارك
لأنك فاشوش
منهوش مغشوش
يادوب عقب خرطوش
عشان كده بقولك
ما يهمنيش
كلامك ما وجعنيش
واكتر من كده لو تعمل
بردو ما تشغلنيش
أسيبك تاكل في روحك
لأنك ما تساويش
حتى بص لروحك
يا دوب قرش بقشيش
لأنك خاين وغدار
ما تلزمنيش
من يوم ما فارقتك
والضحكه ما سابتنيش
نحس من يومك
وشك يقطع رغيف
العيش
بقلم دكتور … نبيل بكر