بدون عنوان …

كلمات الشاعر 

محمود القصبي

مصلوب علي طرف الحياه

ولا جاش يزورني

 غير الاحتساب والصبر

في ايدين. تطبطب

 ع الجروح في الروح

ورجول بترفس جتتك للقبر

العدل مال للمعجزه في الشوف

 والظلم كافر بس ليه نهايه ف اياات

واللقمة سامه لو دقيق معجون بخوف

والمستحيل بيعدي خط الممكنات

ف ازاي يموتلك حد علي قيد الحياة

وازاي في عايش حي يرزق 

جوه روحي وقالوا مات

ازاي يكون الحق يكمن في الكلام

وازاي يقولوا الحكمة تكمن في السكات

ضميت رموشي علي الوجع من غير ماجفني يرف 

انسان بسيط عالم غويط حاسه الشريط بيسف 

ضموني يمكن اشفوكم اطمن

ضموني يمكن نهر حزني يجف

ضموني يمكن يبقي اخر حضن

ضموني يمكن حضن يمحي الحزن

ضموني يمكن حضن بس واموت

ضموني يمكن حضن بس واخف

مكتوب في طرف السطر

طب هوننا ليه؟؟وعلشاان؟؟؟

احزانا عدت قطر 

علي خاطر الزعلان

في ١٠٠نوايا بس مال الزير

في سور كرامة بين الحبيب والعبد

في فراق يعدي كانه طيف وفراق مرير

وفي شعره فاصله بين الفلسفة والهبد

الشعر ليه كروان

 وليه بومة وليه غرابه 

الشعر زي البار والشعرا علي بابه

الشعر ابن وبار بس العمي صابه

الشعر عمره ما بار من كتر خطابه

 الشعر سييد من علاا في الاغراب

والشعر سييد من جاب الفقر ل أصحابه

كلمات الشاعر 

محمود القصبي