يروي ان هناك حكاية مقلب عمله الفنان انور وجدى ، فى شركة عملت دعايا عن منتج ليها بشكل غامض فعملت يفط كتير فى الشوارع مكتوب عليها اين ذهب حسن ؟؟!!… و فضل الاعلان فى الشوارع فتره اكتر من شهر لدرجة ان الموضوع ده بقى حديث الساعه الناس كلها بتسأل يا ترى مين حسن و هيطلع راح فين فى الاخر ؟؟ و فى يوم الناس صحيت على يفط مكتوب عليها حسن ذهب لمشاهدة افلام انور وجدى .
و طبعاً الدنيا اتقلبت و الشركه صاحبة الاعلان رفعت قضيه على الفنان انور وجدى، بتتهمه فيها انه استولى على حمله الاعلانات بتاعتها و طلبت تعويض عن ده و رد انور وجدى انه ما عملش حاجه و ان الشركه عملت اعلانات بشكل غامض ملهوش علاقه باعلانه هو اللى بيتكلم عن شاب اسمه حسن قرر يتفرج على افلامه و ان حسن اللى هو يقصده غير حسن اللى الشركة تقصد
Discussion about this post