كلمات الشاعرة …
ايزيس غانم
بضحك ف وش الزمن
والقلب.. قلبه حزين..
والضحكة ضحكة وجع
بس اللي يفهم مين! ؟
رغم الأسي والقهر..
بصالح الأيام..
بضحكلها بالود
تزوم بعنف وذعر…
وتصادر الأحلام!!
أرجع لحضن الدموع
واتخبي م اللايمين!!
شكيت لعراف.. بصَلي…
وقال متضحكشي..
الضحك يابني بلا سبب
معناه إساءة للأدب
ده الضحك ليه ناسه
لكن انت تطلع مين؟؟
وكمان بتضحك غلط؟؟
عود للبكا يا حزين..!
كلمات الشاعرة
ايزيس غانم
Discussion about this post