گلت نطيب نعاسي..

بقلم الأديبة والشاعرة
مجيدة الفلاحى

گلت نطيب نعاسي..
آجي
نضرب لفگد في راسي.
نسوسو من ساسو لراسو.
نخمل ركاينو.
نتسارى فيه.
نعرف آش تحت راسو.
جبرتو مني مبري
خاوي مني راسو
راكب هبالو
يغني فرادي.
سوقو تالف.
مرة عامر.
وعشرة خارف.
ماد رجليه برا لحافو
هارب من جنب لحيط.
يضارب وسط طريق.
يحلم حلمات…
ضاسرة.
خاسرة.
محتار
آش يختار.
يشك ؟
يغربل حروف
مهوساه مونساه.
ينج حنبل.
يطير بيه لسابع سما.
يگبض حفنة ما
يرشها على لرض
يخلق منها راسو .
تلاد حر..
من كادر راشي.
كلت نطيب نعاسي..
نكون راسي آآراسي.