( الشمس ☀ ) 

كلمات الشاعرة 

حنان الجوهرى

تقول للشمس تعاليلى 

غيابِك عنى زاد لِيلى 

ومش باين لعينى نهار 

وآه م العتمة ياويلى 

وليه تبقيَ حياتى غيوم

ومن ضَيِك اعيش محروم

وابات واصحىَ وانا مهموم

وحالفة عنى لـَ تغيبى 

ترد تقول انا راح اعود 

مابتأخرش يا حبيبي 

عشان لسه الأمل موجود 

اكيد الفجر راح يجى 

فـَ انا واللهَ كتير بدعى 

اعيش لجلك واقوم بدري

وانوّر لك منين ماتكون 

واجيلك كُلى لهفة وشوق  

ومليالك كفوفي شروق 

ونُور مايساعُه كل الكون 

عشان قلبك مالِيه الخير 

وطول عمره بـِ يدى كتير 

رصيد الحب عنده كبير 

وعاشق للكرم والجُود 

كلمات الشاعرة 

حنان الجوهرى

Hanan El Gohary