بقلم الشاعر …الحن_طليس
فى الحقيقة القصة باخت
وبصراحه ريحتها فاحت
بحلم بطعم الصبر تصبيرة
وكل ما اطلع من حفره
أقع فى دوحديرة
ساد السواد ياناس
لكنى مش يائس
والشعر منى شاب
لكنى مش بائس
غرقان لموج البحر
وأدينى بسايس
وكمان مفيش انتاج
وأدينا بنلوش
ولا حد يتبنى
ايه فايدة التأسيس
لو كان مافيش بانا
والحكاية فى الصندوق
بتنادى ع الراوى
والراوى فى التوهان
بيرص فى حكاوى
والحاوى شد الناس
واللعبة مفهومة
واهى دقنى أهى ياناس
لو ماكنتش ملعوبه
خلينا كده واضحين
الدنيا دى أكبر غابة
تفرشلك حلمك ع الجنبين
تمشيلك فى النص ديابة
وعنيك بتبص شمال ويمين
وتخش برجلك فى الغابة
ودى خلق عاوزه صاجات
و ع التريند تتمايل
وانت عشان غلبان
بخت البعيد مايل
واقف فى مالطه تقول
ولا حد ليك سامع
وعاوزنى أقول وياك
والنعمه مانا قايل
ونعمل ايه ياناس
والعمر مش دايم
القصة باخت خلاص
والرك ع الفاهم
بقلم الشاعر … الحن طليس
Discussion about this post