عجيبه الناس …

بقلم دكتور … نبيل بكر

عجيبه الناس؛
أعامل الناس بأصلي
وهما يهينوني

واكتم فى نفسي
واقول بكره يفهموني

فكرني جبان خايف منهم
وهما والله ما يعرفوا يضايقوني

بس انا مش حتغير
مهما شافوني
واتغير ليه..
ماعرفش اكون غير نفسي
بس ياريت لحالي يسيبوني

عجيبه الناس وأفعالهم
والأعجب ليه بيحسدوني

فاكرين تحت القبه شيخ
وياما هنا وياما هناك
والفقر زبوني

والله ماشيه بستر ربنا
ياريتهم يفهموا كانوا
ريحوني

مافيش بيني وبينهم عداوه
و ديما يخونوني
مش حقول زي اللى قالوا
ما يخون اللى الخاين
بكره ربنا يعوضني
ويبقوا يقابلوني

عجيبه الناس.

شاغلهم ليه حالي
وليه بيلحقوني
وليه عيونهم نظرالي

وليه لحمي ليهم رخيص
وليه نسيين افضالي
وليه قلوبهم سوده
بس عشاني
وليه من ورايا يطعنوا
ضهري
وليه اللى في إيدي
مستكترينه مع إني
على قدي
الفرق بينا واضح
هما على وضعهم
وانا على أصلي

قلبي ما يكره حد
حتى لو كان ظالمني
وكرهي في عيونهم
باين أول ما يشوفوني

عجيبه الناس.

ليه غالي عليهم حزني
وليه مقهورين من فرحي
وليه يشتموا لما تيجي
سيرتي

أنا عمري ما أذيت حد
لكن كتير ظالم نفسي
واقول ياوااااد معلش
بكره يعرفوا قيمتي

عجيبه الناس.

نبيل بكر