كلمات الشاعرة …
شيرين ابو عميرة
سنين عدت
وانا في غيبوبه
مش داري
ودار ماهيش داري
حتصحو الصبح
ماتلاقونيش
اروح داري
واسيب ليكم
مخده ورده في كتابي
اكيد كانت فهماني
اسيب في اجنده
اسامي كتير عيزاني
وناس في وجودي
رفضاني
وناس بالخير
دعيالي
واسيب ليكم ملامحي
الواضحه في عيالي
وكراسه من الأخلاق
بتحكي عني لاحفادي
واسيب عكاز ونضاره
واسيب روحي لاحبابي
واسيب سبحه بخيط فاضي
وكام حبه من اللولي
في تسبيحه بتلضم ليا
نفحه فتجيني
اسيب ليكم حزمة ورق
وجرناني وكام خط فيه
لنبض قلبي اللي اتسرق
وعاش مع العناوين
لحظة أرق
تمر السنين وجرناني
اصفر حزين مفيش غيره
على العهد باقي
ويستنى الحنين
حسيب في خزناتي
أسراري وأحزاني وافراحي
ورحلة عمري وأيامي
ومين من الشوق اتغلب
ومين غاوي أنين
ويفتح خزانه من العمر
اللي فاني وعليها غبار السنين
اسيب ليكم كام حاجه تشبهني
وكان صوره على حيطه
واسم ملازمكم طول السنين
وصاحب أوفى من الايام
وفيه من ريحيتي
ولحيتي بالتمام
ياتحويشة العمر وسيره
تكمل مع الايام
كلمات الشاعرة ✍️
شيرين ابو عميرة
Discussion about this post