عساك عساك

أديب وشاعر مهندس…. محمد عوض

هى أصلا بتفرق…….. إيه الدنيا معاك
ما الكل شعشع ونَور…….. واُنتهى بهاك
والكل طلع بجهله…….. فوق على قفاك
الخاين والخسيس………… واللئيم أذاك
والقرد ديما بيتنطط …فوق علي بَلواك
والصبر طيب للي قطع وما فكر بحباك
والكل كبر بيوم وجه ….اُستخبى وراك
والكل بيدَاري في….. حمى أرض حماك
و اللي نهش لحمك……. وكسرك ورماك
وناس من غير ذنب….. كده ديما كرهاك
وناس تاخذ المصلحة…… منك وبتنساك
وناس لو في فايدة…. بطريقك بتترجاك
وناس قاطعة تذكرة…….. رايح ومغدراك
وتعبت تسامح من. صميم أعماق جواك
إديت الفرحة………. وحرمت نفس هواك
مسحت الدموع …..وزادت شجا لَوْعاك
طبطبت ع الكتوف وطعنوك بعزم عزاك
ياريت تتعلم من…. غدرهم عساك عساك

أديب وشاعر مهندس…. محمد عوض
10/6/2023