مـش عايـز قلـبي…!!

بقلم … شوكت.
مش عايز قلبي
انا عايز قلب يكون
قاسي
انا عايز قلب يكون
جامد
ولا بيطبطب ولا بيواسي
ولا بيحن
ولا يعرف حُب
ولا يعرف صدق..
مش عايز قلبي…
..
مش عايز قلبي
انا قلب ضعيف
و بشكل مُخيف
قدام اي دموع بيرق
انا عايز قلبي يبطل دق
انا قلبي جبان
بيخاف م الناس
و يخاف ع الناس
انا عايز قلب بدون
احساس
ولا يعرف عشق
ولا يعرف حب
انا عايز قلبي يبقي
حديد
يبقي اناني
مايحبش حد
غير نفسه و بس
ولا يزرع ورد
ولا يصون عشره
ولا يبصم للناس بالعشره
انا جد تعبت
مش عارف امثل
غير دوري وبس
و انا راضي بنفسي
مش عايز البس
ميت وش
مش عايز اغش
انا عايز قلبي
و أكمل بيه
قلبي يستاهل
اني أعيش ليه
..
بقلمي شوكت