بوسطجي أشواق

كلمات الشاعرة
نادية البسيونى

ازاي بيقولوا انك غايب
وبعيني وقلبي شايفاك
شايفاك بتطمن أحلامي
وبروحي دايماً حسّاك
وف نفس القعدة بنقعدها دايماً وياك
تحكي لنا حكاية أيوب
وحكاية يونس والحوت
وحكاية الجندي اللي استشهد
وف إيده سلاحه المرصود
وتصدَّق عدت أيامنا معرفش ازاي
والشَّعر الأسود فوق كتفي كبَّرني وشاب
رغم انك لسة ف نظرة عيني بتظهر شاب
بتلخبط فيَّا الأيام
والصبر اِمام العشاق
بوسطجي أشواق
أسمع صوت همسه يقويني
لو بس ف يوم حسيت بغياب
كان امتى الورد الشارب عطفِك بات دبلان
كان امتى البحر ف عز الشدة يبات غرقان
وبدون إزعاج اسحب نفسي لكوباية الشاي
أقسمها معاك زي العادة
والفرحة ف عينك بتبان
عارفاك بتحبه بنعناع
والشوق طماع
أرسم لك وردة ف قلب كتاب
واكتب لك فيه حرفين أحباب
ترسم لي بدمك قلب بسهم بطول الباب
تكتب لي بخط كبير جواه
كان امتى ف يوم اللي استشهد من أجلِك مات

كلمات الشاعرة
نادية البسيونى