الملك والجنية

حمدي موسي ..ردا علي قصيدته
( بنات كوبا)

(الملك والجنية)
وقول يا صاحبي زيد القول
حروفك لحن ع الارغول
ملوك الحرف هو احنا
ومين يقدر علينا يقول
ومين هيطول
ومين هينول
ده جبار الحروف صاحي
بيكتب شعر في صباحي
يصول ويجول
ويشهر سيفه وينادي
ومين حرفه مهوش عادي
يبارز فيه ..
يقوله كلام يوازي حرف من معانيه
ينول الختم من معاليه
ده حمدي موسي يا اخوانا
ملك مشهور
ف وادي الشعر والامرا
حروفه تتكتب بالنور
ف احسن لك بلاش تعاديه
معاه جنيه بنت اصول
ولا بيهمها جاحد ولا تاخد بيد عزول
واد القول
وليها في البحور مسافات
وسافرت عدت الازمات
وكسرت انف ده المغرور
بتكتب للجراح ترتاح
وتكتب تكشف المستور
وتكتب ع لحنين يهدي
وتنده ع اللي صابه الدور
وميت سيديهايه شايلاها
وحافظاها ولا بتحكي اللي جواها
تبارز مرتضي منصور
لكن ساكتة
سكوت قوة
ده لو حكيت
بحور الشعر جواكم هيطلع فيها مييت نوة
في رص الحرف جنية
معدية
تحل اجدعها دي قضية
وحريفة
اصيلة وحرة وشريفة
محدش يوم خدش توبها
فقولوا وعدوا في عيوبها
ولا تلاقوا غير ان لسانها وقت لزومه بيخبط وبيلخبط وعصبية
وايه يعني
مادام الكلمة دي رصاصةبقولها للي يوجعني
ومع ذلك كتير من ناس بتتبعني
تحب الحرف واصوله
وتفرح بال انا بقوله
فدير بالك
بلاش تعاديها وتعافر
عنادها في الاصول كافر
دي هتجيبك وهتوديك
تخلي حروفها تلعب بيك لو انت في الاساس جاحد ..دي هتخليك تسيب الشعر وتسافر
خلاصة القول
ياريت يا معدي خد بالك
دي هي وحمدي جيالك
يقولوا الشعر .. يتجلوا
يردوا لبعض ويعلوا
و كله بحكمة ويا اصول
فروق لي كده بالك
وفوق واعرف تكلم مين
دي ميمي ملكة معروفة
وسلطان الحروف حمدي
تمللي كبير

كلمات الشاعرة
ميمي محمود عبدالجليل

بإهداء للعزيزة
ميمي محمود عبدالجليل
……………………………
بنات كوبا
……………………
انا ولا قلت انا شاعر ولاعمرى سبقت الإسم بالألقاب……….
ولا حابب..
أنا اتعلمت حب الشعر
م التختة اللي كانت جنبي واحنا ف أولي حس شباب
ولا عمرى انتميت للبعض
ولا عاوز يكون لى اصحاب
أنا صولو…وغصب عنكوا هتقولوا
وتعترفوا .
.وغصب عنكوا هتجولى.
.وتدخلوا صفحتى سرا وتقرولي
هتعترفوا ف وش الشعر و ملامحه
لكن ف الزحمة هتقاوحوا…وتعترضوا
وتغتابوا وهتنموا….وأتخن حد……….؟!
هنؤمه..يقف ورا منى…بس آمين
أنا ولا قلت انا شاعر ولا عندى جمل خاصة وملك يمين
وعارف قدرى بالمللى
أنا واحد ومعموللي….. عمل علي كلمة منصوبة وعمل على ورك عذرا من بنات كوبا
مهوش علي ورك كركوبة
انا كنت فى ميدان الله بقيمة ستلاف طوبة
وجبت سمار من النوبة عشان وش الحياة يبيض
فابكتب حاجة تشبهلي..أنا مش عاوز اشبه حد
ولا باجرى ورا أحداث
وعلي مهلي..وبالراحة باقول بشويش
ومش مستنى م الأيام
أنا خلفت م الكلمة وجع وآلام
ودى حاجة ميعرفهاش غير الدراويش
وانا ابو الريش ….يارب يعيش فى ضحكاية
مشيت والضل خاف ينعك ويايا
فاسبنى وراح …كتبت بجرح حقانى
وقلت بدون وجع وجراح وف الحالتين
خضع لي المعنى وادانى
وجاب سره وأعطانى…..أخدت الحضن والتانى
وسيبت الحرف للإحساس
حبست انفاس ..شاورت لناس مفهمتشى
وعن أم اللي مفهمشي….وصفت الحب ع الماشي…يادوب عدى علي رمشي
لكن لو سيبته يملا العين يمين بالله مايحلمشى الكلام بالقول
وبرضو لا قلت انا شاعر ولامهتم بالأسماء
ولا يعننى بالمرة
انا برة….منيش داخل دواير شئ
ولا قلبي يحده جيران
ولا عندى جيوش من كدب وافكارى بناتها جنان… ومعملتش لبنت ختان.. وبالتالي البنات هايجة وأفكارى لها أهداف ومابتمشيش ورا الرايجة
وعمرى ما قلت انا شاعر …ولا ف دماغي انا مستور
باقول ما أعتقد انه الهوا والنور
انا اتلمت حروف الجر علي اسمى
ومع ذلك منيش مجرور .
ولا هامشي ورا المرضى……أنا وردة رواها الصدق
طرحت معنى ..ينفع شعر..بس ارضى
عليه لساعات
عشان نحل القصيدة الحرة له لسعات
وانا ولا ناوى اكون شاعر.ولا ناوى أروح ندوات
انا واحد ومش موجود
أكلنى الدود…..أنا يااخواننا واحد مات
..ف متدقش…وسمعنى…لكن هيهات

كلمات الشاعر
حمدى موسى