يا طبيب الجراح …

كلمات الشاعرة …
مرفت موافي …

يا طبيب الجراح
تاخد كام وترجعني
كما باقي الناس
ناقص حتة من بدني صحيح
لكن في نفس المكان احساس

كنت طاير عالسحاب
ودلوقتي زاحف عالتراب بنداس

يا شمتانين في الوجع
الدنيا منفاتة

لا بتسيب الجدع
ولا طفل التاتا تاتا

فمتشمتوش بالقوي
دا كل محنة فيها شئ من المنحة
قادر يحن القوي
ويديني القوة
اواجه بيها الزمن
دا وسط معجنة الالم
يبعتلك الفرج من جوا

ياللي رميت يونس
في بطن الحوت وتلت ظلمات
وريح نوة

سامعة استغفاره الملايكة
ومن الندم يتلوي
مد ايدك وخرجني

وخلي الجرح يتهوي
وابعتلي شوية صبر
خلي القلب يتقوي
يارب

كلمات
الشاعره مرفت موافي