نـورا عـواجـه
الشخص الكفيف أو ضعيف البصر محتاج يعرف حضارة بلده زينا بالظبط ويعرف أكتر عن تاريخ كل قطعة أثرية في المتاحف، من هنا كانت فكرة مشروع تخرج «حضارة بلا حواجز» لطالبات الفرقة الرابعة بكلية الآداب قسم اللغة الإسبانية.
المشروع فكرته باختصار بتقوم على حكاية تاريخ كل قطعة أثرية في القاعة الرئيسية بمتحف الحضارة وقاعة النسيج وقاعة المومياوات باللغة العربية والإنجليزية والإسبانية بطريقة صوتية ممتعة يقدر من خلالها الزائر المصري أو الأجنبي الكفيف يستمتع برحلته في المتحف دون أي عوائق و مصدر المعلومات هو المتحف نفسه.
مش بس كده، كمان الطالبات اللي قايمين على المشروع ترجموا محتويات المتحف كلها بطريقة برايل عشان يقدر الشخص يتعرف بكل سهولة على محتويات المتحف ومكوناته من غير ما يحتاج لحد يساعده.
الطالبات القائمين على الفكرة: ديانا أدهم وزينة تامر، وفرح نجيب وفاطمة خالد، ومايان أحمد ولارا عادل، وندى شريف وهنا عادل، تحت إشراف الدكتور محمود أنور.
برافو شباب مصر المبدع
Discussion about this post