ياقطر الذكريات

بقلم الشاعر ..فهمى محمود حجازى 

ياقطر الذكريات هاتلي معاك

 حلم الصبا وعمر عدا وفات

وحلم طفل برئ مايعرف

  الذلات

واحباب من بعض قريبة تقولش

 هم اخوات

وضماير نضيفة كويسة مالهاش 

في حب الذات

وفرحة كانت منا قريبة 

وأجمل الضحكات

لا كنا نعرف دمع ولا كان

 في عيونا يوم بيبات

فكرين لما كان حلمنا نلعب 

ببعض حاجات

حبة صور وأساتك 

وعرايس البنات

وعسكري وحرامي

 والجري في الطرقات

دانا حلمي كان قدامي  

صورة لأجمل الفتيات

وبقيت عريس وف لحظه 

خلفت أحلى بنات

وكبر الحلم جوايا أجهزهم 

وألملهم فى أحلى حاجات

وأشورهم واجوزهم 

وأداري ف قلبي 

حلم كان جوايا مات

واتاري احلمنا مغمورة

 ومعجونة بحزن جبال

وفرح بسيط في نظرة 

للي فات

وحسبنا الدنيا مبسوطة 

وبتوزع عصير شربات

أتاري الدنيا عماله بتعطلنا

 كتير إشارات

بأن الحلم كان ماضي وسابنا

 ومات

وان العمر لو فيه باقي هيبقى

 أقل م اللي فات

بقلم الشاعر ..فهمى محمود حجازى