مراسلات …

أشواك ورد

خد وردك وهات الشوك

وهات كلمة كتبناها

بعلو الصوت

وهات كشكول من رسمى

ورجعلى حروف إسمى

وهاتلى شكل غير شكلى

وهاتلى طيبة كانت ساكنة

فى ملامحى

وهاتلى طبيب …..

وهاتلى طبيب يكون ماهر

يوصفلى دواء لجرحى

يداوى رعشة فى يدى

يكفكف دمعة على خدى

وهاتلى فجر من بكرة

وهاتلى حياه بدون

أوجاع ولا ذكرى

وهاتلى ناس…..

وهاتلي ناس تكون عايشة

على الإخلاص وعلى الفطره

وهاتلى عيد مش عيدى

ورجع نبض لوريدى

وهاتلى عمر ما يعديش

وهاتلى قلب يعيش يوفى

وما يخونيش

وهات أيام تكون صافية

ما تخدعنيش

وهاتلى فرحة مش ليا

وما تسعنيش

جرى لنا ايه ما تسألش

خلاص مليت وما بيديش

خلص صبرى وراح وقتك

يادوب ترحل

على شان ألحق ألم إللى فضل

مني وألحق أعيش

……………………
كلمات الشاعرة
نادية البديوى

Nadyh Sayd