توته توته 

ناديه ذكى

طاير بجناحه المغرور

ومصدق روحه العصفور

ماسك فى الكعب العالى

ويلف عليه ويدور

وانا واقفه اتفرج مذهوله

يوم شافها ع الشط حوريه 

و نسايم صبح مهدية

بدادى فى زمان احزانها

اصطدها بِشباك حنيه

فخطفها من النظره الأولى

وأميرة في حدوته و قِصه

النور في جبين والليل اوصّه

بتغمض يومها فى احلامها

سحر الحدوته مايتوصى

واهي ماسكه فيها ومشغوله

فرحانه بفارس اوهامها

طاير بحصانها واحلامها

غني لها الحب يا اسطوره

والفجر د لعيون أيامها

بيمد ضفايره المجدوله

في عنيها الحلم ده كان ضي

بينور في الليل ال جي

وبتحلم بالفرحة تلالي

كان رده في ضلوعها الكي

ولا كنتي في يوم عندي الأولى 

زقزق على غصني العصفور

وفي لحظه يبعد مغرور

طار الفرحان من أحزانها

راح يرجع ٠٠وأنا حرجع

وأما أرجع٠٠حرجع فى بطولة

ودي قصة وكملت أركانها

تبدأ وبتخلص في أوانها

قصة صياد مع عصفورة

وقعت في حباله السنيوره

ونهاية ماهيش مجهولة

                                             بقلم الشاعرة ….ناديه ذكى