ستفت همى فى دنيتى

.. ستفت همى فى دنيتى
على رف عالى فى ضحكتك ..
.. وسندت ضهرى فى وحدتى
على فرع طارح بسمتك ..
.. أنا شفتني فارس
وواقف منتصر ..
.. فى الساحه رافع جبهتى
صالب فى عودى اللى إنكسر ..
.. على كل كاره فرحتى ..
إلهى دايما تسعدى ..
.. مع كل لحظه ف دنيتك
تفضل ضلوعك قبلتى ..
.. وقت أما بشعر بالخطر
.. .. تفضل عبايتك
م السما للأرض خيمه مضلله ..
.. لو مره هاغرق فى المطر
ماشى بروحى مكبره ومهلله ..
.. رافع كفوفى للسما
من فوق حدود كل النظر ..
.. دعوة رضا من ربنا
يامفرحه قلبى الضعيف ..
.. برغيف هنا ..
.. يغنينى عن كل البشر ..
.. يامعلمانى أبتسم
وأبقى اليمام فوق الشجر ..
.. ياجابره خاطرى أما انكسر
.. .. ..
كلمات الشاعر
الناصر صلاح الدين