سـتايـر وهــم

يسلسلني المسا فيّا
ولا ضي النهار ييجي
ولا بتنامي يا عينيّا
أنا اللي زرعته بإيديّا
ف لحظة ما ابتديت احلم
ما شوفتش غير ستاير وهم
بتحجبني عن العالم
وتكسرلي حدود الشوف
واشوف خيالات تكعبلني
واشوف نفسي ف ركن الخوف
يكوّمني الضلام عتمه
ويرسمني الوجع كرباج
وباتحمل عذاب نفسي
وجلد النفس مش إزعاج
لكن كل القلوب العاج
وجودها بجد يإذيني

وانا المخلوقه تكويني
أشوف كل القلوب أنوار
طبيعي الضلمه تقتلني
وتحدفني ف قلب النار
طبيعي الكدب يدبحني
طبيعي من الخيانه انهار
وطول م الكدب له أعذار
أنا مش ح اقبل الواقع
ولا ح ارضى أعيش جنبك
ولو كان الظروف عُذرك
ياريت تقفل عليّا الباب
وترحل ..
إنت وظروفك
……………………………..
كلمات الشاعرة
مرفت جابر